«Сәби» қоры Steppe&World баспа үйімен бірлесіп «Сәби оқулары» жобасын бастады

19-кыркүйекте Алматыда «Сәби оқулары» жобасы аясында алғашқы кітап сөресі табысталады.

Бұл жобаға «Сәби» қоры тамаша кітап сөресін жасатып берсе, ал Steppe&World баспа үйі 800-ден астам кітапты тегін беріп отыр, деп хабарлайды Almaty-akshamy.kz. 

«Сәби оқулары» жобасының негізгі мақсаты - жастар, әсіресе әлеуметтік осал топтағы балалар арасында кітап оқу мәдениетін қалыптастыру. Алдағы уақытта бұл жоба қазақ тіліндегі балалар әдебиетін халыққа кеңінен таныту, ілгерілету бағытында жұмыс істейді.

Балаларды кітап әлемімен таныстырып, әлемдік бестселлер кітаптарды қазақша оқуға құлшынысын арттырмақ ниетпен Steppe&World баспа үйі хоспис мекемелері мен балалар үйлеріне өз кітаптарын сыйлайды. Steppe&World баспа үйі - әлемдегі ең керемет шығармаларды қазақшаға аудару мақсатында жұмыс істеп жатқан танымал баспа. Баспа үйі шығарған кітаптардың 80%-дан астамы - балалар әдебиеті. Бүгінге дейін көптеген кітапты, оның ішінде әйгілі шығарма - «Хәрри Поттерді» қазақшаға аударды.

«Сәби оқулары» жобасына кез келген кәсіпкер үлес қоса алады. Ол үшін төмендегі нөмірге хабарласуға болады. Steppe&World баспа үйі жоғарыда аталған мекемелерге апаратын кітаптар пакетін әзірлеп береді.

Өтетін күні: 13:00, 19-қыркүйек
Өтетін орны: Луганский көшесі, 95-үй SOS Сһіldren's Village Аlmaty

Байланыс телефоны: 87002463530