Мобильдік қосымшалар арқылы неке қиюға өтініш беруге болады
Бұл өтінішті тіркеу мерзімі бұрын бір айға созылатын.
Әділет министрлігі Halyk Bank және Kaspi Bank-пен бірлесіп аталған екі банктің қосымшалары арқылы неке қиюды тіркеуге өтініш беру бойынша сервистерін іске қосты, деп хабарлайды Almaty-akshamy.kz
Әділет министрлігі Digital Justice жобалар портфелі шеңберінде ҚР Цифрлық даму, инновациялар және аэроғарыш өнеркәсібі министрлігімен бірлесіп, мемлекеттік қызметтердің смартфондар арқылы қолжетімділігін қамтамасыз ету бойынша жұмыстар жүргізіп жатыр.
Halyk Homebank және Kaspi.kz мобильдік қосымшалары арқылы қызметті алу үшін "Мемқызметтер" бөлімінде өтінішті толтырып, мемлекеттік баж (1 АЕК – 3 450 теңге) төлеуі және екінші қызмет алушы 48 сағат ішінде өтінімді растауы қажет.
15 күнтізбелік күн өткеннен кейін АХАТ органдары жас жұбайлардың қатысуымен неке қиюды тіркейді.
