Қасым-Жомарт Тоқаев Рим Папасы Францискті күтіп алды
Рим Папасының әуе борты Қазақстан әуежайына қонды
НҰР-СҰЛТАН. ҚазАқпарат – Мемлекет басшысы Қазақстанға мемлекеттік сапармен келген Рим Папасы Францискті күтіп алды, деп хабарлайды Almaty-akshamy.kz ҚазАқпаратқа сілтеме жасап.
Рим Папасының әуе борты Қазақстан әуежайына қонды.
Президенттен бөлек, қадірлі қонақты күтіп алуға ҚР Парламенті Сенатының төрағасы Мәулен Әшімбаев, Сенат төрағасының орынбасары Асқар Шәкіров, ҚР Сыртқы істер министрі Мұхтар Тілеуберді, елорда әкімі Алтай Көлгінов, ҚР Президенті Әкімшілігі басшысы Мұрат Нұртілеу, ҚР Президенті Әкімшілігі басшысының орынбасары Аида Балаева және бірнеше діни қызметкерлер келді.
Қарсы алу рәсімі барысында мемлекеттер басшылары бір-біріне екі елдің делегация мүшелерін таныстырды.
Содан кейін Қазақстан Президенті мен Католик шіркеуінің басшысы президенттік терминалдың Каминді залында қысқаша әңгімелесті.
Кездесу соңында мәртебелі қонақтың кортежі Ақордаға бағыт алды.
