Әскерге шақырылғандарға несие берілмейді
Әділет министрлігі осындай бастама көтерді.
Бұл туралы Мәжіліс депутаты Ерлан Стамбеков мәлім етті, деп хабарлайды Almaty-akshamy.kz
"Әскерге ерте келген сарбаздардың жаңа келгендерді несие алуға мәжбүр ететін үлкен статистикасы бар", - деді депутат өз сөзінде.
Сондықтан, билік өкілдері әскерге шақырылғандарға несие беруге толық тыйым салуды көздеп отыр.
Депутат "Армия әскери қызметшілерді барлық қажетті заттармен толық қамтамасыз етеді" деп есептейді.
