Қазақстандағы кәсіпкерлердің елу пайызы өз ісін қарызға ашқан

IDF  Eurasia тобының зерттеу нәтижелеріне сәйкес, Қазақстандағы әрбір алтыншы кәсіпкер өз ісін ашуға қажетті қаражаты болмаған және өз кәсібін ашу үшін қарыз алған, деп хабарлайды almaty-akshamy.kz 

Сауалнамаға 15 мың шағын бизнес өкілі қатысты. Олардың 21%-і бизнестің басында туыстары мен таныстарынан ақша алуға тура келді деп хабарлады. Алайда сұралған кәсіпкерлердің негізгі бөлігі қаржы ұйымынан кредит алуды жөн көрген: бизнесмендердің 25%-і меншікті жылжымайтын мүлік кепілімен кредит ресімдеген, ал 20%-ы қамтамасыз етілмеген тұтынушылық несие алған. Кейбір кәсіпкерлер қаржыландырудың балама тәсілдерін сәтті қолданған.

Респонденттердің 5%-ы бизнесті дамытудың түрлі қорларының гранттарын алған, жұмыс істеп тұрған кәсіпкерлердің 3%-ы краундфандинг арқылы ақша тарта алған, 2%-ы инвесторлар таба алған және жаңадан бастаған кәсіпкерлердің тек 1%-ы ғана венчурлік қорлардан көмек алған.

Жалпы алғанда, сауалнамаға қатысушылардың үлкен үлесі ақшаны дұрыс басқара алды және табысты бизнес құра алды.

Бұл ретте кәсіпкерлердің 85%-ы бизнесті дамыту үшін қарыз қаражатын одан әрі де пайдаланатындарын, ал кәсіпкерлердің 15%-ы кредитті өтегеннен кейін қайтадан ақша алуды жоспарламайтындарын мәлімдеді.