Қазақстанның жеті өңірінде күн райының құбылуына байланысты ескерту жарияланды
Жетісу облысының таулы аудандарында тұман түседі.
Республиканың жеті өңірінде ауа райына байланысты ескерту жарияланды. Бұл туралы Almaty-akshamy.kz "Қазгидрометке" сілтеме жасап хабарлайды.
Абай облысында Семейде екінші деңгейлі қолайсыз метеорологиялық жағдай жарияланды.
ШҚО-да Өскеменде, Риддерде екінші деңгейлі қолайсыз метеорологиялық жағдай болады.
Жетісу облысының таулы аудандарында тұман түседі. Алакөл ауданында оңтүстік-шығыстан жел соғады, екпіні 15-20, 25 м/с-ке жетеді.
Түнде және таңертең Батыс Қазақстан облысының батысында, оңтүстігінде, орталығында тұман түседі.
Маңғыстау облысының солтүстігі, оңтүстігі, орталығында тұман түседі.
Түркістан облысының оңтүстігі, батысы, таулы аудандарында тұман түседі. Оңтүстік-шығыстан жел соғып, екпіні 15-20 м/с-ке жетуі мүмкін.
