Қазақстандық өнерпаздар әлемдік чемпионатта топ жарды

Қазақстандық өнерпаздар әлемдік чемпионатта топ жарды
Сурет: Caravan.kz

АҚШ-та құлағы нашар еститін балалар арасында әлем чемпионаты өтті.

Өнерпаздар арасында өткен жарыста петропавлдық би ансамблі гран-при жеңіп алды, деп хабарлайды Almaty-akshamy.kz.

Жарыс голливудтық форматта өтті. Оған әлемнің 72 елінен келген үш мыңнан аса адам қатысты. Ел намысын қорғаған "SENSITIVE" би ансамблі үшінші топтағы мүгедектер мен есту қабілеті төмен балалардан құралған. Финалда олар АҚШ, Ирландия, Франция, Австралия, Канада және Германия өкілдерімен сайысқа түсті.

Сондай-ақ, Артем Радица есімді отандасымыз жас модельдер арасында бақ сынап, жартылай финалға өтті. Осылайша ол АҚШ-тағы үш бірдей модельдік агенттіктен жұмысқа шақырту алды.