Қазақстан ҰҚШҰ-ға төраға болды
Қазақстан 2024 жылдың 1 қаңтарынан бастап ҰҚШҰ-ға төраға болады, деп хабарлайды аlmaty-akshamy.kz.
Өткен жылдың 23 қарашасында Минскіде ҰҚШҰ Ұжымдық қауіпсіздік кеңесінің кеңейтілген құрамда өткен сессиясында Мемлекет басшысы 2024 жылдың 1 қаңтарынан бастап ҰҚШҰ-ға төрағалық ету міндеті Қазақстан Республикасына өтетінін айтқан болатын.
Осыған орай Мемлекет басшысы Қазақстан төрағалығы кезінде Ұйым қызметі бойынша ерекше назар аударуды қажет ететін бірқатар басым бағытты ұсынды.
Президент ұсынған басым бағыттар:
— ҰҚШҰ-ның қауіпсіздік саласында мүдделі елдермен және халықаралық ұйымдармен ынтымақтастық орнату;
— әскери ынтымақтастық мәселелері бойынша қарым-қатынас;
— халықаралық терроризм мен экстремизмге қарсы іс-қимыл бағытындағы ынтымақтастықты дамыту;
— есірткі және психотропты заттардың заңсыз айналымына да қарсы күрес;
— қару-жарақтың заңсыз айналымымен және трансұлттық ұйымдасқан қылмыстық топтармен күрес;
— төтенше жағдайлардың алдын алу және оның салдарын жою мәселелері бойынша ынтымақтастықты нығайту;
— ақпараттық технология саласындағы қылмыстарға қарсы іс-қимылды жандандыру.
