Қаңтар оқиғасында терроризмге тартылғандар арасында шетелдіктер де болған
Бұл туралы ҚР Бас прокурорының орынбасары Әсет Шындалиев хабарлады.
Қаңтар айында орын алған араңдатушылық оқиғалар бойынша ұйымдасқан қылмыстық топтар жауапкершілікке тартылды, деп хабарлайды Almaty-akshamy.kz.
«Ұйымдасқан қылмыстық топтар бойынша 26 қылмыстық іс қаралуда, мұндай топтардың 24 мүшесі қылмыстық жауапкершілікке тартылады, сондай-ақ 46 адам терроризм мен экстремизм үшін сотталады», - деп жауап берді Әсет Шындалиев тілшілер қойған сауалдарға.
Спикер терроризм мен экстремизмге тартылғандардың арасында басқа мемлекеттердің азаматтары да бар екенін қоса айтты.
