Еліміз EURAMET-ке серіктес ұйым ретінде кірді
Қазақстан EURAMET-ке серіктес ұйым ретінде кірді.
Бұл туралы ҚР Сауда және интеграция министрлігінің баспасөз қызметінен хабарлаған.
Баспасөз қызметінің хабарлауынша, EURAMET ұлттық метрологиялық институттарының еуропалық қауымдастығы – бұл Еуропалық Одақ пен Еуропалық еркін сауда қауымдастығына мүше мемлекеттердің ұлттық метрологиялық ұйымдарының бірлескен альянсы, деп хабарлайды Almaty-akshamy.kz ҚазАқпаратқа сілтеме жасап.
Осы ынтымақтастық:
- ҚР-да метрологиялық инфрақұрылымды және сапа инфрақұрылымын жақсартуға;
- зертханалардың өзара салыстыруларына қатысуға;
- бірлескен ғылыми зерттеулер жүргізуге мүмкіндік береді.
«2022 жылы 30 тамызда ҚазСтандарт пен EURAMET өкілдерінің кездесуі өтті, осы кездесуде бұдан әрі ынтымақтастық және Метрологиялық инновациялар мен зерттеулер бағдарламасына (EMPIR) қатысу мәселелері талқыланды», - делінген хабарламада.
