Былтыр елімізде некеге тұрғандар саны оның алдыңғы жылға қарағанда аз
Бірақ, ажырасу жағдайлары әлі де көп.
2022 жылы Қазақстанда 128,4 мың неке тіркелген, бұл өткен жылмен салыстырғанда 8,5% аз, деп хабарлайды Almaty-akshamy.kz Ulysmedia.kz-ке сілтеме жасап.
Ұлттық статистика бюросының мәліметінше, өткен жылы 85,4 мың неке (66,5%) қалаларда, 43,0 мың неке (33,5%) ауылдық жерлерде тіркелген.
Ерлердің 79,1%-ы және әйелдердің 81,0%-ы бірінші рет үйленсе, ерлерде ажырасқаннан кейін некені тіркеу үлесі 19,6%, әйелдерде - 17,6% болған.
Ажырасуларға келсек, 2021 жылмен салыстырғанда бұзылған некелер саны 7,7% азайған. Бір жыл ішінде 44,5 мың ерлі-зайыпты ажырасқан.
Олардың ішінде 33,2 мың ажырасу (74,6%) қалаларда тіркелсе, ауылдық жерлерде 11,3 мың ажырасу (25,4%) тіркелді.
Ажырасудың ең жоғарғы көрсеткіші Астана қаласында байқалды, онда ажырасудың жалпы коэффициенті 1000 тұрғынға 3,24, ал ең төменгі Түркістан облысында – 1000 тұрғынға шаққанда 0,98 оқиғаны құрады.
- 1000 некеге – 347 ажырасудан келеді
-
ажырасудың жалпы коэффициенті – 2,27‰ (1000 адамға шаққанда)
