«Барыс» Құрлықтық хоккей лигасындағы алғашқы ойынын қашан өткізетіні анықталды
Клуб алғашқы ойынын 3 қыркүйекте бастайды
Қазақстандық «Барыс» командасының Құрлықтық хоккей лигасындағы алғашқы ойынын қашан өткізетіні белгілі болды, деп хабарлайды Almaty-akshamy.kz ҚазАқпарат-қа сілтеме жасап.Елордалық клуб алғашқы ойынын 3 қыркүйекте бастайды. Бұл күні елордалық хоккейшілер Беларусьте «Динамо» (Минск) командасымен мұзайдынға шығады. «Барыс» елордадағы бірінші ойынын 13 қыркүйекте «Трактор» (Челябинск) командасына қарсы өткізеді. Құрлықтық хоккей лигасының 2022/23 жылдарға арналған толық ойын күтізбесі 18 шілдеде жарияланады. Еске салсақ, бұдан бұрын хоккейден «Барыс» командасының бапкерлер құрамы белгілі болды. Сондай-ақ, шайбалы хоккейден Президент кубогының ойын кестесі жарияланды. Биыл 12-ші мәрте жалауын көтеретін жарысқа қазақстандық «Барыстан» өзге Ресейдің «Нефтехимик» (Нижнекамск), «Автомобилист» (Екатеринбург), «Металлург» (Магнитогорск) және Қытайдың «Куньлунь Ред Стар» командалары қатысады.
