Алматыда өртенген үйден құтқарушылар ер адамды аман алып қалды
Өрт оқиғасы Алматының Медеу ауданында болды.
Құтқарушылар жанып жатқан үйден 57 жастағы ер адамды аман алып шықты, деп хабарлайды Almaty-akshamy.kz.
6 наурыз күні кешкі сағат 18.58-де Алматыда жеке тұрғын үй өртенді. Қызыл жалын кейін көршілес 2 қабатты жеке тұрғын үйдің шатырына таралған.
Өрт 20.02-де толығымен сөндірілді. Оқиға орнынан 1967 жылғы ер адам құтқарылып, жедел жәрдем қызметкерлеріне тапсырылды.
Қазіргі уақытта өрттің шығу себебі анықталып жатыр.
Тілсіз жауды сөндіру жұмыстарына Алматы қаласындағы ТЖД-ның 20 адамы және 5 техника жұмылдырылды.
