Алматыда медиасауат жәрмеңкесі өтеді
Құрметті алматылықтар, қонақтар, достар, әріптестер, көршілер!
Шілденің 29-ы, медиасауат жәрмеңкесіне келіңіз. "ХХІ ғасырдағы Пандора қорабы" перформансының алғашқы көрермені болыңыз!
Kahoot ойнайық! Балалар мұны жақсы көреді, сізге де ұнайды деп үміттенеміз. Немесе «Медиафортуна дөңгелегін» айналдырып көріңіз, бәлкім сізге «Сыйлық» секторы тап келетін шығар. Барлық отбасыңызбен «Дженга» үстел мұнарасын тұрғызып көріңіз. Немесе фотодағы жетіспейтін детальді іздеп, қай қала екенін табыңыз! Суретке түсіп, сыйлыққа фото алыңыз Тағы да ойнаңыз: қарапайым және күрделі, куиздер мен викториналар. Музыка тыңдаңыз және әуенді табыңыз. Билеңіз! Медиасауаттың әртүрлі тақырыбына сай видеоклиптерді көріңіз!
Жәрмеңке соң стикерлеріңізді белсенді қатысқаныңыз үшін сыйлыққа алмастырыңыз.
Ең бастысы, екі сағат ішінде ойнай әрі билей жүріп, оңай әрі көңілді нотада біз ақпарат ғасырындағы адамның негізгі машықтары туралы сөйлесетін боламыз: сыни пайым, ақпаратты тексере білу; медиа құқық және медиа этика жөніндегі білім; факт пен пікірді ажырата білу; фейктер мен дипфейктерді ажырату машығын үйренесіз. Әрине шынайы өміріңіз үшін уақытыңызды үнемдеу және жеке мәліметіңізді кибералаяқтардан қорғаудың маңызды екенін түсінесіз. Біз сіздерге біздің басқа жобалардағы әріптестеріміз әзірлеген оқу материалдарына және біз дайындаған білім беру платформамызға сілтеме береміз. Бұл сіздерге медиабіліміңізді өз бетінше дамытуға мүмкіндік береді. Сондай-ақ біздің материалдарымыз мектептерде медиасауат бойынша сабақ жүргізуге дайын мұғалімдерге де пайдалы.
Өтетін уақыты: 18.00 - 20.00, 29 шілде, 2023 жыл, «Арбат» (Алматы қаласы, Жібек Жолы көшесі, Байсеитова көшесінің қиылысы)
Ұйымдастырушы: «Зиянды медиаәдеттен арылайық/» медиасауат жөніндегі 50 кеңес жобасы аясында «Қазақстандық Медиажелі» қоғамдық ұйымы. Байланыс нөмірі: +7 777 213 13 67, продюсер және медиатренер Бактыгуль Бурбаева.
Бұл материалды Internews жүзеге асырып жатқан «Серпінді орта үшін әркелкі ақпаратпен қарым-қатынас және төзімділік (REVIVE)» жобасы аясында Еуропалық Одақ қаржыландырады. Оның мазмұнына тек қана «Қазақстандық Медиа Желі» қоғамдық бірлестігі жауапты және міндетті түрде Еуропалық Одақ пен Internews көзқарасын білдірмейді.
