Алматы зообағы ерекше кеміргішті көрсетті
Дегулер 15-ке жуық түрлі дыбыс шығара алады
Алматы хайуанаттар бағының мәліметінше, дегу – ерекше тиіннің бір түрі. Бұл жануар басқа тиіндер сияқты аса танымал емес, деп хабарлайды Almaty-akshamy.kz.
Зообақ өзінің Instagram-дағы парақшасында дегу атты кеміргішті көрсетті. Оның түр-түсі де бірден көзге түсе бермейді.
"Дегудің тағы бір басқа атауы – Чили тиіні. Дегулар негізінен Оңтүстік Амераканы мекендейді. Көбіне қорек іздеп ауылшаруашылық жерлеріне, егістік алқаптарға шабуыл жасайды. Сондықтан олар фермерлердің жұмысына едәуір шығын келтіреді. Бұл кеміргіштердің 8 өткір тісі бар. Негізінен күндіз белсенді тіршілік етеді. Олар дүниеге келгенде тістері аппақ болады, кейін уақыт өте келе қоңыр түске ауысады", - делінген Алматы хайуанаттар бағының Instagram-дағы парақшасында.
Дегулер 15-ке жуық түрлі дыбыс шығара алады. Олардың дауысы сол сәттегі көңіл-күйлеріне, мінез-құлықтарына байланысты құбылып тұрады.
Посмотреть эту публикацию в Instagram
