Президент Қасым-Жомарт Тоқаев Қашағандағы газ өңдеу зауытының құрылысын жылдам аяқтауды тапсырды
Газ саласын дамыту жөнінде есеп берілді
Президент Қасым-Жомарт Тоқаев «QazaqGaz» ҰК» АҚ Басқарма төрағасы Санжар Жаркешовті қабылдады, деп хабарлайды Almaty-akshamy.kz Inform.kz-ке сілтеме жасап.
«Мемлекет басшысына ішкі нарықты тауарлық газбен қамтамасыз етуге басымдық беру жөніндегі тапсырмасының орындалу барысы туралы есеп берілді.
Санжар Жаркешов Қасым-Жомарт Тоқаевқа газ саласын дамытудың кешенді жоспарының жүзеге асырылу барысы жөнінде баяндады. Аталған жоспарда ресурстық базаны кеңейту, еліміздегі газ тасымалдау инфрақұрылымын жаңғырту және газ саласын реформалау мәселелері қамтылған. Заңнамаға тиісті өзгерістер жыл соңына дейін енгізіледі.
Мемлекет басшысы газ саласын дамытудың кешенді жоспарын одан әрі жүзеге асыруды жалғастыру және Қашаған кен орнында салынып жатқан газ өңдеу зауытының құрылысын жеделдету жөнінде тапсырма берді», - делінген Ақорда мәліметінде.
