«Халық қатысатын бюджет»: Отыз төрт жобаның отызы аяқталды
Алматының Алмалы ауданының тұрғындары бір-бірін «Халық қатысатын бюджет» жобасына тартуда
«Халық қатысатын бюджет» жобасы мегаполис тұрғындары үшін жақсы құралға айналды. Алмалы ауданының әкімі Айдар Жақыбаев тұрғындардың бірігіп, жергілікті атқарушы органдардың олардың өмірін қолайлы етуге қалай көмектесіп жатқанын айтты, деп хабарлайды almaty-akshamy.kz
«Абаттандыру барлық қалалық және аудандық бағдарламалардың ең маңызды бөлігі болып табылады. Біз жүзеге асыратын жобалар жоғары сапалы қалалық ортаны құруға орасан зор үлес қосып, Алматыда күнделікті жайлы өмір сүруге жағдай жасайды. Осындай бағдарламалардың бірі – «Халық қатысатын бюджет» бағдарламасы, соның арқасында біз тұрғындармен бірлесіп аула аумақтарын абаттандырумен көбірек қамти аламыз», - дейді А.Жақыбаев.
Жоба тұрғындарды жергілікті мәселе төңірегінде біріктіреді, көршілерді талқылауға тартады және оларға ауланы, саябақты немесе қоғамдық бақшаны қалай дұрыс ұйымдастыру керектігін ең ұсақ бөлшектерге дейін анықтауға мүмкіндік береді.
Бұл бағдарлама 2019 жылдан бері жұмыс істейді. Тұрғындар ұсынған жобалар 2020 жылдан бастап жүзеге асырыла бастады.
Бүгінгі таңда «Халық қатысатын бюджет» бағдарламасының 2 кезеңі аясында барлығы 34 жоба жүзеге асырылуда, оның 20-сы аула аумақтарын жөндеуге, 8-і автоматты суару қондырғысын орнату арқылы абаттандыруға, 5-і қоғамдық орындарды құруға арналған, 1 қоқыс жәшіктерін орнатуға арналған. Бүгінгі таңда 30 жоба аяқталды, 4 жоба жүзеге асырылуда.
Осы бағдарламадан басқа аудан аумағында абаттандыру бойынша ағымдағы жөндеу жұмыстары, атап айтқанда балалардың ойын және спорт алаңдарын жаңарту, деформацияланған жиектер мен поребриктерді ауыстыру, жарықтандыруды қалпына келтіру, резеңке жабынды жаңарту және ескі асфальтты ішінара ауыстыру жұмыстары жүргізілуде.
Ағымдағы жөндеу шеңберінде барлығы 17 жоба іске асырылуда, оның ішінде автосуаруды орнату арқылы көгалдандыру бойынша 11 жоба, қоғамдық кеңістіктер құру бойынша 3 жоба, көтергіш механизмдерді жөндеу бойынша 1 жоба, аулаларды жөндеу бойынша 1 жоба (50 аула) және қасбеттерді жөндеу бойынша 1 жоба (47 қасбет). Бүгінгі таңда 15 жоба аяқталды, 2 жоба бойынша жұмыс жасалып жатыр.
Сонымен қатар, 87 аула аумағын абаттандыру жұмыстары жүргізілуде. Бір бөлігі қазірдің өзінде аяқталды, қалған аулалар қараша айының соңына дейін ретке келтіріледі. 2016-2023 жылдар аралығында барлығы 805 аула жөнделді.
