«Қазақстан халқына» қоры
Президент тапсырмасы
мемлекеттік қолдау шараларынан тыс қазақстандықтардың нақты мәселелерін шешуге бағытталған
Мемлекет басшысы 2022 жылы денсаулық сақтау, білім беру және әлеуметтік қолдау салаларындағы мәселелерді шешу үшін «Қазақстан халқына» қоғамдық әлеуметтік қорын құруды тапсырған болатын. Нәтижесінде мүдделі тараптардың қажеттіліктерін қанағаттандыруға арналған және Қазақстан халқына көмек көрсетудің тиімді құралына айналған Қор тұжырымдамасы жарық көрді.
Тұжырымдама аясында Қор қызметінің негізгі бағыттары мен Қорға түсетін қаражат есебінен басым қолдау көрсетілетін халықтың негізгі санаттары анықталды.Сондай санаттардың бірі – елімізде төтенше жағдайлар жарияланғанда және төтенше жағдай режимін енгізу кезінде зардап шеккен халқына көмек көрсету. Қордың интернет-ресурсында қаңтар оқиғаларында зардап шеккендерге көмек көрсету бағытындағы қайырымдылық көмек алушылардың мақсаттық тобының тізімі жарияланды.
Олар:
1) қаза тапқан әскери қызметшілердің, Ішкі істер мен ұлттық қауіпсіздік органдарының қызметкерлерінің отбасылары;
2) ауыр жарақаттар алған әскери қызметшілер, Ішкі істер мен ұлттық қауіпсіздік органдарының қызметкерлері;
3) қаңтар оқиғаларының кездейсоқ құрбандары болған қаза тапқан азаматтық тұлғалардың отбасылары;
4) қаңтар оқиғалары кезінде жарақаттар алған балалардың отбасылары;
5) қаңтар оқиғалары кезінде оқтан болған жарақат алған ауыр жараланған кәмелетке толған азаматтар.
6) қайғылы қаңтар оқиғалары кезінде қаза тапқан әскери қызметшілердің, Ішкі істер және Ұлттық қауіпсіздік органдары қызметкерлерінің, сондай-ақ Қазақстан Республикасының қаза тапқан азаматтарының отбасыларындағы кәмелетке толмаған балалар.
Бағдарлама бюджеті
Бағдарлама бюджетінде қаза тапқан әскери қызметшілердің, Ішкі істер мен ұлттық қауіпсіздік органдары қызметкерлерінің отбасыларына – 7 млн теңгеден қажы төлеу қарастырылған. Ауыр жарақаттар алған әскери қызметшілерге, Ішкі істер мен ұлттық қауіпсіздік органдары қызметкерлеріне – 3 млн теңгеден бөлінеді. Қаңтар оқиғаларының кездейсоқ құрбандары болған қаза тапқан азаматтық тұлғалардың отбасыларына – 7 млн теңгеден, ал дүрбелеңде жарақаттар алған балалардың отбасыларына – 3 млн теңгеден, оқтан жарақат алған ауыр жараланған кәмелетке толған азаматтарға – 3 млн теңгеден төленеді.
Қайғылы қаңтар оқиғаларында зардап шеккендерге қайырымдылық көмек көрсету мерзімімен және кезеңімен шектелмеген. Қор Қазақстан Республикасының Бас прокуратурасының тиісті растайтын ақпаратты ұсыну фактісі бойынша қайырымдылық көмек көрсетеді.
Жобаның ағымдағы мәртебесі
2023 жылғы 19 сәуірдегі жағдай бойынша Қор қайғылы қаңтар оқиғалары барысында зардап шеккен 653 адамға жалпы сомасы 2 млрд 465 млн теңгеге қайырымдылық көмек көрсеткен. Атап айтқанда:
- қаза тапқан 19 әскери қызметшінің, Ішкі істер және Ұлттық қауіпсіздік органдарының қызметкерлерінің отбасыларына – 133 млн теңге (7 млн теңгеден);
- Ауыр жарақат алған 111 әскери қызметшіге, Ішкі істер және Ұлттық қауіпсіздік органдарының қызметкерлеріне – 333 млн теңге (3 млн теңгеден);
- Қаза тапқан әскери қызметшілердің, Ішкі істер органдары мен ұлттық қауіпсіздік органдары қызметкерлерінің отбасыларындағы 23 кәмелетке толмаған балаға – 46 млн теңге (әрбір кәмелетке толмаған балаға 2 млн теңгеден);
- қаңтар оқиғаларының кездейсоқ құрбаны болған 146 азаматтың отбасыларына – 1 млрд 22 млн теңге (7 млн теңгеден);
- Кездейсоқ құрбан болған Қазақстан Республикасының қаза тапқан азаматтарының отбасыларындағы 131 кәмелетке толмаған балаға – 262 млн теңге (әрбір кәмелетке толмаған балаға 2 млн теңгеден);
- Атыс қаруынан зардап шеккен және жәбірленуші деп танылған 210 ауыр жараланған кәмелетке толған азаматтарға – 630 млн теңге (3 млн теңгеден);
- қаңтар оқиғасы кезінде жарақат алған 13 баланың отбасыларына – 39 млн теңге (3 млн теңгеден) қайырымдылық көмек көрсетілген.
Қордың қолдауымен 7 айлық нәрестенің бауыры алмастырылды
«Қазақстан халқына» қоры мемлекеттік қолдау шараларынан тыс өмірдің негізгі салаларындағы қазақстандықтардың нақты мәселелерін шешуге бағытталған.
Мәселен, жақында Қордың баспасөз қызметі Астанада ауыр хәлдегі 7 айлық балаға бауыр трансплантациясы жүргізілгенін хабарлады.
Операция «Қазақстан халқына» қоғамдық қорының қолдауымен Жапонияның ұлттық денсаулық және даму орталығының (Токио қ.) органдарды трансплантациялау орталығының дәрігерлерімен бірлесіп «1 жасқа дейінгі балалардың бауыр трансплантациясы» тақырыбында тәлімгерлік шеберлік сыныбы шеңберінде жүргізілген. Шақыртылған мамандар «University Medical Center» ҚҚ қызметкерлеріне бауыр трансплантациясын жүргізуге мұқтаж науқастарды операция алдындағы даярлау, анестезиологиялық жәрдемақы, жедел техника және операциядан кейінгі басқару тақырыптары бойынша 3 күн бойы оқыту жүргізді. Ерте жастағы науқастарға, әсіресе, дене салмағы 10 кг-нан аз балаларға бауыр трансплантациясы жеткілікті дағды мен тәжірибенің болмауына байланысты Қазақстан Республикасында жүргізілмейді. Сондықтан осындай оқытулардың жүргізілуі, дағдылар мен технологияларды меңгеру дерттің асқыну санын азайтып, науқастардың өмір сүру сапасы мен ұзақтығын жақсартады.
Нәрестеге туған әкесі донор болған. Балаға ағза ауыстыру үшін Жапония мен Непалдан мамандар шақырылып, қайырымдылық көмек көрсетілген. Операция «University Medical Center» корпоративтік қорының базасында өткізілді. Нәтижесінде операция сәтті өтіп, баланың өздігінен тыныс алу мүмкін болды. Жағдай тұрақтанған соң бала мен әкесі ауруханадан шығарылды. Қазіргі таңда олардың жағдайы жақсы.
«Қазақстан халқына» қоры қызметінің негізгі мақсаттары
- Денсаулық сақтау, білім беру, әлеуметтік қолдау, мәдениет және спорт салаларында қайырымдылық көмек көрсету;
- Азаматтардың рухани, танымдық және өзге де гуманистік қажеттіліктерін қалыптастыру және қанағаттандыру үшін қоғамдық денсаулық, білім, ғылым, мәдениет, өнер, ағарту салаларындағы қайырымдылық жобаларын іске асыру;
- Республикада қайырымдылық мәдениетін дамыту, қоғамның, бизнестің және мемлекеттің қайырымдылыққа сенімін нығайту, қайырымдылықтың барлық субъектілерінің ымырасы;
- Төтенше жағдайлар кезінде және төтенше жағдай режимін енгізу кезінде Қазақстан Республикасының зардап шеккен халқына көмек көрсету;
- Қазақстан Республикасының аумақтық тұтастығы мен қауіпсіздігін қорғау кезінде құқық қорғау органдары, арнаулы органдар қызметкерлерінің, әскери қызметшілердің, ауыр жараланғандардың және қаза тапқан деп танылғандардың отбасыларын қолдау;
- Қордың басқару органдарының шешімдеріне сәйкес өзге де қайырымдылық көмек.
(Дереккөз: qazaqstanhalqyna.kz).
