«Цифрлық нотариат» пилоттық жобасы іске қосылды.
Енді қазақстандықтар сенімхаттардың барлық түрлерін нотариусқа бармай-ақ, Egov mobile арқылы онлайн форматта рәсімдей алады. Жаңа цифрлық жобаны Әділет және цифрлық даму, инновациялар және аэроғарыш өнеркәсібі министрліктері бірлесіп қолға алып отыр, деп хабарлайды Almaty-akshamy.kz Qazaqstan.tv-ға сілтеме жасап.
Цифрлық нотариат, әсіресе, шетелде жүрген азаматтарға ыңғайлы. Ол үшін қосымшаға кіріп, нотариусқа бейнеқоңырау шалу жеткілікті. Айта кетсек, болашақта мұндай қызмет екінші деңгейлі банктердің қосымшаларында да пайда болады.
«Нотариустардың жұмыссыз қалады деген жалған сөз. Egov mobile қарым-қатынасты жеңілдетеді. Үйде отырып, шетелде отырып-ақ қызмет алуға болады», - дейді ҚР цифрлық даму, инновациялар және аэроғарыш өнеркәсібі министрі Бағдат Мусин.