Дзюдодан Азия кубогінде еліміздің жас дзюдошы қыздары үш қола жүлдені жеңіп алды
Өзбекстан астанасы Ташкент қаласында дзюдодан жастар арасында Азия кубогі мәресіне жетті.
Қазақстан жастар қыздар құрамасы аталған құрлықтық бәсекені үш қола жүлдемен аяқтады, деп хабарлайды Almaty-akshamy.kz Ұлттық олимпиада комитетіне сілтеме жасап.
Атап айтқанда, Ұлдана Үсейн (57 келі), Самалай Ерғалиева (63 келі) және Қымбат Сейтмаханбет (+78 келі) жарыста үздік үштік қатарынан көрінді.