Бесінші сынып оқушысы жанып жатқан үйден төрт баланы құтқарды
Өрт сөндірушілер жанып жатқан үйден екі газ баллонын алып шықты
Қостанайда бесінші сынып оқушысы өртеніп жатқан үйден балаларды аман алып шықты, деп хабарлайды Almaty-akshamy.kz.
Қостанай облысының ТЖД-нің баспасөз қызметі хабарлағандай 2021 жылғы 25 желтоқсанда сағат 11:36-да 101 қызметіне Қостанайдағы «Садовод» с/қ аумағында өрт туралы қоңырау келіп түскен. Өрт куәгері Қостанайдағы «Садовод» с/қ-ның өртеніп жатқанын хабарлапты.
«Өрт сөндіру бөлімшелері келген кезде 6 адам тұратын тұрғын үй құрылысы 60 шаршы метр алаңы отқа оранды. Оқиға кезінде үйде ешкімнің болмағаны анықталды. Бұл күні «Садовод» с/қ-да тұратын Қостанай қаласының № 22 орта мектебінің 5 сынып оқушысы Пирог Олег көшеде ойнап жүріп көрші саяжай үйінен қалың түтінді көрген. Олег мұнда көп балалы отбасы мен кәмелетке толмаған балалар, үлкен қыз 8 жаста, ал кіші Асла небәрі 2 жаста екенін білді. Өрт сөндірушілердің келуін күтпей, ол түтіндеген үй-жайдың ішіне терезе арқылы кіріп, өз өмірін қатерге тігіп, кезекпен 4 баланы көшеге шығарды»,-делінген хабарламада.
Бұл уақытта үйде ата-аналар болған жоқ, олар пешті тұтатып, дүкенге шығып кеткен болатын.
Ата-аналар келгенге дейін құтқарылған балалар көршілерінде болды. Құтқарылғандар медициналық көмекке мұқтаж емес.
«Оқиға орнында 4 бірлік техника, 17 адам өрт сөндіру қызметі және қаланың басқа да шұғыл қызметтері жұмыс істеді. Өрт сөндірушілер жанып жатқан үйден екі газ баллонын алып шықты»,-делінген хабарламада.
Құтқарушылар өртті 12:07-де оқшаулап, көрші саяжай учаскелеріне таралу қаупін жойды. Сағат 12:28-де өрт сөндірілді.
Өрттің болжамды себебі-пешті дұрыс пайдаланбау.