Алматыда науқастардың пәтерін тартып алғандар анықталды
Прокуратура 400-ден астам адамға қатысты заңбұзушылықтың бетін ашты.
Алматыда жүйке ауруына шалдыққандардың пәтерін тартып алғандар анықталды, деп хабарлайды Almaty-akshamy.kz
Медеу ауданы прокуратурасы жүргізген талдаудың нәтижесінде басқа да аурудан зардап шегетін 423 адам анықталды, оларға жылдар бойы қамқоршы тағайындалмаған.
«Мысалы, М. деген азаматты 2001 жылы сот әрекетке қабілетсіз деп таныған. Оның заңды өкілі тек 2022 жылы, яғни 20 жылдан астам уақыттан кейін ғана белгіленген. Осыған ұқсас азамат О. қамқоршысы 18 жыл өткеннен кейін, И. деген азаматқа 10 жылдан кейін, азамат А-ға 9 жылдан кейін тағайындалған», - делінген қалалық прокуратура таратқан хабарламада.
Тек талдау кезінде ғана заңды өкілдері болмаған 110 адам анықталды.
Көрсетілгендер олардың туыстарының өз іс-әрекеттеріне есеп бере алмайтын және өз құқықтарын өз бетінше қорғай алмайтын адамдардың денсаулығы мен мүлкіне толыққанды қамқорлық жасай алмайтын заңды іс-әрекеттер жасай алмауына әкеп соққан. Мұндай жағдай соттардың шешiмдердi орындауға уақтылы жiбермеуiнен және қорғаншы және қамқоршы органның тарапынан бақылаудың болмауынан туындаған.
«Прокурорлар сондай-ақ уәкілетті орган 47 әрекетке қабілетсіз адамның мүлкіне тыйым салмағанын анықтады. Сондай-ақ уақытында тыйым салынбағанның кесірінен, есі дұрыс емес Р-дың жалғыз пәтерін бөгде адамдарға өсиет жасау арқылы тартып алу әрекетіне әкеп соққан», - деді ведомство өкілдері.
Алмалы ауданы прокуратурасының талап-арызы бойынша заңсыз өсиет жарамсыз деп танылып, әрекетке қабілетсіз Р. қаланың әлеуметтік нысандарының біріне орналастырылды.
Медеу ауданы прокуратурасының ұсынысы бойынша қорғаншы және қамқоршы органдардың 7 лауазымды тұлғасы жіберген заңбұзушылық үшін тәртіптік жауаптылыққа тартылып, бұзушылықтарды жою жөнінде шаралар қабылданды.
