Алматыда кейбір маршруттардың қозғалысына өзгеріс енгізіледі
Алматы Қалалық мобилділік басқармасы апаттық жағдайлардың алдын алу мен жолаушылардың қауіпсіздігін қамтамасыз ету мақсатында 9 қаңтардан бастап №59, №113 "Алматыэлектротранс" ЖШС маршруттарының сызбалары өзгертілетінін мәлімдеді, деп хабарлайды Almaty-akshamy.kz.
Енді олар Құлжа трактімен ШААЖ-қа қарай жүріп бара жатқанда Рысқұлов даңғылына шықпай, көпірдің үстімен жүріп өтетін болады.
Сонымен қатар 10 қаңтардан бастап № 53 маршруттың соңғы аялдамасы өзгертіледі.
Енді ол Кемертоған ауылына дейін жүріп, Мектеп аялдамасынан бұрылады да, кері қарай сызбасы бойынша қозғалады. Маршрутта 8 автобустың орнына 11 жаңа жылжымалы бірлік қызмет көрсететін болады.
