Тоқаев Албанияның президентін шығарып салды
Байрам Бегай Қазақстанға Мемлекет басшысы Қасым-Жомарт Тоқаевтың шақыруымен келген еді.
Мемлекет басшысы Албания Президенті Байрам Бегайды әуежайдан шығарып салды, деп хабарлайды Almaty-akshamy.kz Ақорданың баспасөз қызметіне сілтеме жасап.
Мемлекет басшысы Қасым-Жомарт Тоқаевтың шақыруымен 6-8 қыркүйекте Албания Президенті Байрам Бегай Қазақстанға ресми сапармен келген болатын.
Сапар аясында екі ел басшылары ертең сауда-экономикалық, көлік-логистикалық, инвестициялық және гуманитарлық салалардағы ынтымақтастықты нығайту мәселелері бойынша келіссөздер жүргізді.
Сонымен қатар президенттер халықаралық және өңірлік жағдайлар жөнінде пікір алмасты.
