Таеквондошыларды іріктеу жарысы қашан басталады?
15-16 наурыз күндері Қытайдың Тайань қаласында таеквондодан Олимпиадаға іріктеу турнирі өтеді.
Аталған сынға Қазақстан атынан төрт спортшы қатысады, деп хабарлайды аlmaty-akshamy.kz olympic.kz-ке сілтеме жасап.
Тайань даянгінде мына спортшылар бақ сынайды:
- 57 келі: Мария Севостьянова;
- +67 келі: Жансель Дениз;
- 58 келі: Самирхон Абабакиров;
- 80 келі: Батырхан Төлеуғали.
Федерацияның бас хатшысы Олжас Бесбаевтың айтуынша, жарысты алғаш болып Батырхан Төлеуғали бастайды.
"Жеребе тарту рәсімі әлі өткен жоқ. Сондықтан, кімнің қарсылас боларын ресми түрде білмейміз. Бірінші жарыс күнінде Батырхан, қалған күні үш спортшымыз сынға түседі. Дайындық жақсы, мақсатымыз - Париж Олимпиадасының лицензиясы", - деді Олжас Бесбаев.
