Алматы қаласының Жетісу ауданында күрделі жөндеу аясында Есентай өзенінің жағасында, Черновицкая көшесінің бойында Самырсын көшесіне дейін жағалау салу жұмыстары басталды. Жағалаудың жалпы ұзындығы 1200 метр.
Реконструкциялау аясында өзен арнасы тазартылып, серуендеу аймағы құрылады. Жаңа қоғамдық кеңістікте 3700 м2 төсеніш төсеу, 230 м2 тұрақ орнату, сондай-ақ 6850 м2 жерді көгалдандыру жоспарланған. Сондай-ақ ұзындығы 1,2 шақырым болатын 120 жарықтандыру тірегін орнату жоспарланған. Келушілердің жайлылығы үшін 50 орындық пен қоқыс жәшігін орнату жоспарланып отыра. Осылайша 2 ыңғайлы санитарлық торап орнатылады.
Балалар мен спорт алаңдары бар жаңа қоғамдық кеңістік құру, скейт алаңын, жаяу жүргіншілер жолдарын және өзен жағасында демалу мүмкіндігі бар алаңды жайластыру жобаның маңызды бөлігі саналады. Әткеншек, сырғанақ және өрмелеу сияқты ашық ойын элементтері баланың моторикасы мен физикалық белсенділігін арттырады.
Көпір өткелдерін қайта құру жаяу жүргіншілер мен велосипедшілер үшін қауіпсіздік пен қолжетімділікті қамтамасыз етуге бағытталған. Тротуарлар мен велосипед жолдарын орнату қарастырылған, автоматты суару да салынады.
Жаңа қоғамдық кеңістік өзен жағасын қала аумағындағы бірегей табиғи саябаққа айналдырады. Құрылыс жұмыстарын 2024 жылдың екінші тоқсанының соңына дейін аяқтау жоспарланып отыр.
Естеріңізге сала кетейік, 8 сәуір мен 8 мамыр аралығында Алматыда «Алматы – біздің ортақ үйіміз» науқаны өтіп жатыр. Әрбір тұрғын қаланың дамуы мен абаттандырылуына өз үлесін қоса алады.
Барлық ақпарат almaty.kz сайтында, Алматы әкімдігінің әлеуметтік желілерінде орналасқан. Сондай-ақ, веб-сайтқа арнайы QR-код арқылы қала бойынша орналастырылған баннерлерде, плакаттарда және афишаларда кіруге болады.
Науқанның белсенді қатысушыларына арналған әлеуметтік желідегі хэштегтер: #АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.