Қазақстандағы сейсможағдай жөнді бағаланбай келеді
Қазақстандағы сейсмологиялық жағдай лайықты бағаланбай келеді. Сейсмостанциялардағы 1979 жылы шығарылған жабдықтар әбден ескірген. Бұл туралы сенаторлардың Сейсмология институты мамандарымен болған кездесуі барысында айтылды, деп хабарлайды Аlmaty-akshamy.kz 24.kz-ке сілтеме жасап.
Депутаттар Алматыдағы жедел қызметтердің табиғи апаттарға дайындығымен танысты. Жиында мамандар «ел аумағының 40 проценті сейсмикалық қауіпті аймақта орналасқанына қарамастан, тиісті стансалар аз» деп отыр. Соңғы 5 жылда сейсмикалық аспаптар 40 000 жер сілкінісін тіркеген. Өткен жылдың өзінде олардың саны 7 мыңға жуықтаған. Сейсмология институтының мамандары қазіргі уақытта Алматыдағы жағдай тұрақты деп отыр.
- Сейсмология институтының болжамдық комиссиясының мәліметінше, 2023 жылы Алматы полигоны аумағында күшті жойқын жер сілкінісі күтілмейді. Апта сайын комиссия отырысын өткізіп, комиссияның қорытындысын барлық шешім қабылдайтын органдарға жібереміз, - дейді сейсмология институтының директоры Дәулет Сәрсенбаев.
