Еуропада КВИ-дың жаңа штамы «дельтакрон» анықталды
Инфекция деңгейі «өте төмен».
Еуропада Коронавирустық инфекцияның жаңа штамы – "дельтакрон" анықталды. Бұл туралы ДДҰ Төтенше жағдайлар бөлімшесінің техникалық тобының басшысы Мария ван Керкхов айтты, деп хабарлайды Almaty-akshamy.kz РИА Новостиге сілтеме жасап.
ДДҰ жетекші эпидемиологы "дельтакрон" штамының Францияда, Нидерландыда, Данияда анықталғанын растады, бірақ инфекция деңгейі «өте төмен».
«Дельтакрон «дельта» AY.4 және «омикрон» ВА.1/BA.2. штамдарының кіші түрлерін біріктіру кезінде пайда болды», – деді Мария ван Керкховен.
Ол ДДҰ сарапшылары бұл нұсқаны 7 наурыздағы кездесуде талқылағанын атап өтті.
Кипр университетінің биология ғылымдары факультетінің бір топ ғалымдары Сovid-19 жаңа штамының – «дельта» мен «омикрон» гибридінің табылғаны туралы қаңтар айының басында хабарлады.
