Аңшылық қаруды сақтауға және алып жүруге рұқсат алу тәртібі
Цифрлық технологиялардың қарқынды дамуын ескере отырып, мұны онлайн режимде жасауға болады.
Рұқсат алу тәртібін Ақбота Қуанышбекқызы түсіндірген болатын.
Аңшылық мылтықтарды сақтауға және алып жүруге рұқсат алу үшін сізде өзіңізбен бірге мыналар болуы керек.
- Электронды цифрлық қолтаңба (ЭЦП),
- NCAlayer бағдарламасы орнатылған дербес компьютер, аңшының жеке куәлігінің электрондық көшірмесі;
- Қарумен қауіпсіз жұмыс істеу бойынша курстарды бітіргені туралы анықтаманың электрондық көшірмесі;
- 076/у нысанды медициналық қорытындының электрондық көшірмесі;
- Мылтықтан ату туралы куәліктің электрондық көшірмесі;
- мемлекеттік бажды төлеу туралы түбіртек.
Ескеретін бір жайт, құжаттардың электрондық көшірмелері компьютерде жеке папкада сақталуы керек.
Сонымен алдымен www.elisense.kz порталына авторизация электрондық цифрлық қолтаңбасы арқылы тіркелу керек. Сонан соң қауіпсіздік қойындысын таңдап, «жеке тұлғаларға азаматтық қаруды және оның оқ-дәрілерін сақтауға, тасымалдауға рұқсат беру» сілтемесі бойынша өтесіз. Әрі қарай қойындыда көрсетілген өтінімді беру нұсқауларын мұқият зерделеп, қызметке онлайн тапсырыс бере аласыз. Лицензияларды таңдау ҚР ІІМ-нің Алматы қалалық полиция департаменті арнайы қойындыларға құжаттардың қажетті электронды көшірмелерін қоса отырып, өтінімнің жұлдызшамен білгіленген барлық жолдарын мұқият толтырыңыз. Мемлекеттік бажды екінші деңгейдегі банктердің кассаларында төлеген жағдайда төлем бөлімін толтыру кезінде түбіртектегі мәліметтерді көрсетесіз. Ал онлайн төлем жасау кезінде онлайн төлем бағанасын таңдап, QR төлем функциясы арқылы төлем жасаңыз. Мәре сызығында өтінішке электрондық цифрлық қолтаңба (ЭЦП) арқылы қол қойып, оны парольмен растау және өтініштің мемлекеттік органға жіберілгенін тексеру қажет.
Мылтықты сақтау және алып жүруге, рұқсат беру туралы өтініш әрбір дана үшін жеке толтырылады. Қызмет көрсету мерзімі – 15 жұмыс күн. Егер толтырылған өтінішке рұқсат берілсе, өтінімде көрсетілген электрондық пошта мекен жайына сәйкес «Push» хабарламасы арқылы жіберіледі. Қате толтырылған жағдайда Сізге дәлелді бас тарту туралы хабарлама жіберіледі. Рұқсат беруден бас тарту себебін мұқият оқып шығыңыз. Қателерді ескере отырып, өтінішіңізді қайта жіберсеңіз болады, - деді Ақбота Қуанышбекқызы.
