Алматы облысында өзен арнасынан асуы мүмкін
Облыстық ТЖД осындай ескерту жасады.
13-15 ақпанда Алматы облысында қардың бірден еруі, мұз күшінің әлсіреуінің әсерінен су тасқыны болуы мүмкін, деп хабарлайды Almaty-akshamy.kz
Алматы облысы ТЖД "Қазгидромет" РМК-ның өңірде күннің күрт жылыну ықтималдылығы туралы болжамын негізге ала отырып, өңір азаматтарын ауа райының өзгеруін бақылауға алуға және сақтық шараларын сақтауға шақырады.
"Қазгидромет" РМК-ның 2023 жылғы 12 ақпандағы дауылды ескертуінің негізінде 13-15 ақпанда Алматы облысында қардың бірден еруі, қызыл судың және беткейлік ағынның қалыптасуы, мұз күшінің әлсіреуі және өзендердегі су деңгейінің көтерілуі күтіледі, мұндай жағдайда өзеннің арнасынан асуы және су тасқыны болуы мүмкін", - делінген Алматы облысы ТЖД баспасөз қызметінің хабарламасында.
Дауылды ескертулер, басқа да шұғыл ақпаратты жедел алу үшін "Дәрмен" тегін мобильді қосымшасын жүктеп алуға болатыны да айтылады.
