Сыртқы істер министрінің Ресейге не үшін баратыны айтылды
2023 жылғы 13 сәуірде Ресей тарапының шақыруымен Қазақстан Премьер-министрінің орынбасары – Сыртқы істер министрі Мұрат Нұртілеудің Ресей Федерациясына ресми сапары өтеді, деп хабарлайды Аlmaty-akshamy.kz BAQ.KZ-ке сілтеме жасап.
Сыртқы істер министрлігінің ресми өкілі Айбек Смадияровтың мәліметінше, сапар аясында Ресейдің Сыртқы істер министрі Сергей Лавров және Ресей Президентінің Халықаралық істер жөніндегі көмекшісі Юрий Ушаковпен кездесуі мен келіссөздері жоспарланған.
- Қос тарап саяси, сауда экономикалық және мәдени гуманитарлық салалардағы екіжақты ынтымақтастықтың өзекті мәселелерін, сондай-ақ өңірлік және халықаралық күн тәртібі мәселелері бойынша өзара іс-қимылды талқылайды, - деді Айбек Смадияров.
