Шорт-тректен әлем кубогінде Денис Никиша үздік атанды
Ол 402 ұпаймен бірінші орынға ие болды
Отандасымыз Денис Никиша Дордрехт (Нидерланды) қаласында шорт-тректен әлем кубогінің қорытындысы бойынша үздік атанды, деп хабарлайды Almaty-akshamy.kz Спортты дамыту дирекциясына сілтеме жасап.
Денис Никиша 500 метр қашықтықта жалпы есепте көш бастап, 402 ұпаймен бірінші орынға ие болды.
Еске салсақ, Денис өткен жылы АҚШ-тың Солт-Лейк-Сити қаласында өткен әлем кубогі кезеңінде күміс алған болатын. Одан кейін Алматыда өткен екі кезең барысында алтын, күміс және қола медаль жеңіп алды.
Сондай-ақ тағы бір қазақстандық Абзал Ажғалиев үздік ондықтың қатарынан көрінді.
