Бельгияда шеруге шыққан жұрт жаһан басшыларына талап қойды
Бельгия астанасы Брюссельде климаттың өзгеруіне қарсы шеру өтті.
Полицияның мәліметінше, шараға 20 мыңнан астам адам қатысқан. Экологиялық ұйымдар наразылық акциясын климаттың өзгеруі жөніндегі БҰҰ-ның Дубайда өтіп жатқан конференциясына байланысты ұйымдастырды. Елдің түкпір-түкпірінен жиналған жұрт жаһан көшбасшыларынан ғаламдық жылынуды тоқтатуға қатысты нақты шаралар қабылдауды талап етті, деп хабарлайды Almaty-akshamy.kz
«Ғаламдық жылыну су тасқынына әкеле ме деп қорқамын. Дубайдағы шараға жиналған әлем көшбасшылары климаттың өзгеруіне қарсы мойындарына алған міндетеммелерін орындауы тиіс», - деді шеруге қатысушы Агнесса Пери.
«Біз биліктегілерден қыста тоңбайтындай үйлерімізді жақсылап қаптауды, қоғамдық көліктерді жетілдіруді, қоршаған ортаны ластауды азайтып, ауаны тазартуға басымдық беруді талап етеміз», - дейді климаттық коалицияның президенті Николас Ван Нуфель.
