Алматыда тұрғын үй кешендерінің бірінің маңында құбыр жарылды
16 қаңтарда түнде Алмалы ауданы Сайран көлінің маңында орналасқан «Жайлы» тұрғын үй кешенінің аумағында жылу құбыры жарылды.
Салдарынан бірнеше көп қабатты үй уақытша жылусыз қалды, деп хабарлайды Almaty-akshamy.kz ҚазАқпаратқа сілтеме жасап.
Алматы қалалық коммуналдық қызмет өкілінің айтуынша, жарылған жылу құбыры тұрғын үй кешенінің балансында.
«Таңғы сағат 3 пен 4-тің арасында ішкі учаскеде жылу құбыры жарылды. Біздің мамандар апат орнына барып, оны қалпына келтіруге көмектесті. Таңғы сағат 8-ге қарай үйлерге жылу берілді. Зардап шеккендер туралы ақпарат түскен жоқ», - деді Алматы қаласы Жылу энерго кешені және ТКШ ресми өкілі Ян Гирин.
Оның айтуынша, құбыр 2003 жылы пайдалануға берілген. Оның диаметрі - 150 сантиметр.