Жібек Құламбаева Астанадағы жарыстың ширек финалына шықты
Қазақстандық Жібек Құламбаева жұптық сында Астанада өтіп жатқан «ITF World Tennis Tour BeeTV 60 Women's» турнирінің ширек финалына шықты, деп хабарлайды Almaty-akshamy.kz ҚазАқпаратқа сілтеме жасап.
Жібек Құламбаева Польша өкілі Мартина Кубкамен бірге жарыстың екінші ракеткалары болып тіркелген беларусьтік Ирина Шиманович - ресейлік Екатерина Яшинамен шеберлік байқасты.
Жібек пен Мартина 7:5, 6:3 есебімен жеңіске жетті.
Олар жартылай финалға шығу үшін нидерландылықтар Жасмин Гимбрере - Бибиана Схуфспен таласады.
Гөзал Айнитдинова мен ресейлік Татьяна Прозорова доданың төртінші ракеткалары Моюке Учиджиме - Вонг Хонг Юға жол берді - 2:6, 6:7 (2:7).
Болашағынан мол үміт күттіретін Асылжан Арыстанбекова мен Айя Нұпбай ресейліктер Екатерина Макарова - Анастасия Захаровадан ұтылды - 2:6, 3:6.
Еске сала кетейік, бұдан бұрын АҚШ-та өтетін Индиан-Уэллс турнирінің жеребесі тартылғанын жазған болатынбыз.
Сондай-ақ қазақстандық теннисші Мексика турнирінде жарыстың екінші ракеткасын жеңді.
