Жаңа құрылған облыстардан Сенат депутаттарын сайлау басталды
Сенаттағы 6 мандатқа 12 кандидат үміткер болып отыр.
Бүгін Абай, Жетісу және Ұлытау облыстарынан Парламент Сенаты депутаттарын сайлау өтіп жатыр, деп хабарлайды Almaty-akshamy.kz
Сенат депутаттарын таңдаушылар – мәслихат депутаты болып табылатын республика азаматтары - жанама сайлау құқығы негізінде жасырын дауыс беру арқылы сайлайды.
Парламент Сенаты депутаттарын сайлау таңдаушылардың бірлескен отырысында өткізіледі, отырыс сағат 11.00-де (елорда уақытымен) басталады.
Таңдаушыларды тіркеу сағат 10.00-де (елорда уақытымен) басталды. Әр облыстан екі депутат сайланады.
Сенаттағы 6 мандатқа 12 кандидат үміткер болып отыр.
Барлық үш өңірдегі таңдаушылардың жалпы тізіміне 346 мәслихат депутаты енгізілген.
