Наурызбай ауданында тағы 6 жаңа мектепті жобалау және салу жоспарлануда
Бұл туралы Алматы әкімі Ерболат Досаевтың Наурызбай ауданы тұрғындарымен өткен кездесуінде белгілі болды.
Ауданда мектептегі орын тапшылығы мәселесі біртіндеп шешімін тауып келеді, деп хабарлайды Almaty-akshamy.kz
«Мысал ретінде алатын болсақ, 2022 жылдың басында Наурызбай ауданы қаладағы оқушы орындарының тапшылығы бойынша бірінші орында тұрды (7251 орын). Ал, биылғы жылдың басында бұл көрсеткіш 3 есе, яғни 2494 орынға дейін қысқарды», - деді қала әкімі Е.Досаев.
Өткен жылы "Қалқаман" мен "Шұғыла" шағынаудандарында 5100 орындық 4 мектеп ашылды.
«Сіздердің аудандарыңыздағы тұрғын үй құрылысының қарқынын ескере отырып, тағы 6 жаңа мектепті жобалау және салу жұмыстары жүріп жатыр», - деді қала басшысы.