Қоғамдық орында видео түсірудің мәдениетін білесіз бе?
Бүгінгі таңда, мейрамханаға, тойға, кез келген іс-шараға жолыңыз түсіп, барсаңыз қолына телефон ұстап, түрлі видео түсірген адамдарды көресіз. Енді осылай видео түсірудің өзіндік этикасы бар. Оны біріміз білсек, біріміз білмейміз. Білсекте жеке әлеуметтік желіні жүргізу мақсатында жан-жағымыздағы азаматтардың құқын таптай отырып, өзімшілдікке бой алдырып, видео түсіре береміз. Әрине, Сіз үшін қолайлы болғанымен жаныңыздағы азаматтар үшін біршама қолайсыздықтар туындатуы мүмкін. Құқық саласы бойынша мұндай әрекеттерге бой алдырған адам тиісті жазасын алуы тиіс. Алайда әзірге видео түсіріп, әлеуметтік желіге салушыларға қарсы шағымданған адамдарды естімедік. Десек те, алдағы уақытта қаперіңізде болу үшін осы сала мамандары ұсынған ережелерге назар аударыңыз.
- Іс-шараны ұйымдастырушыдан, менеджерден немесе даяшыдан рұқсат сұраңыз.
- Егер кадрға басқа адамдар кіріп кетсе, оларға да сіздің суретке түскіңіз келетіні туралы ескерту керек.
- Кез келген жеке іс-шараларда, той, сүндет той, туған күн сияқты шара барысында ұйымдастырушыдан міндетті түрде рұқсат сұраңыз.
- Негізінен мейрамхана, мерекелік іс-шара ұйымдастырушылар өздері туралы хэштег қалдыруын сұрайды. Өйткені олар үшін әрбір жазба маңызды. Десекте, жаныңыздағылардың құқы ескеруіңіз керек.
Ескеретін бір жайт, іскерлік және дипломатиялық кездесулерде суретке түсуге болмайды. Бұл – Сіз туралы дұрыс пікір қалыптастырмайтыны анық.
