Қызды балағаттаған ер адам 48 300 теңге айыппұл арқалады
Алматы қаласының әкімшілік құқық бұзушылықтар жөніндегі мамандандырылған ауданаралық соты ұсақ бұзақылық фактісі бойынша ер адамға қатысты әкімшілік істі қарады, деп хабарлайды аlmaty-akshamy.kz.
Cот 2023 жылдың қазан айында №118 маршруттық автобусының салонында болған кезде C-ның балағат сөздер айтып, Д. есімді жолаушыға құрметсіздік танытып, оны қорлап, сол арқылы қоғамдық тәртіпті бұзғанын анықтады.
Сот отырысында С. іс материалдарында баяндалған фактілерді растады және жасаған ісіне өкініш білдірді.⠀
«ҚР ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін С. кінәлі деп танылып, оған 48 300 теңге мөлшерінде әкімшілік айыппұл түрінде әкімшілік жаза тағайындалды.⠀Сот істің мән-жайын, сондай-ақ жәбірленуші мен айыпталушының татуласу туралы пікірін ескерді», делінген сот хабарламасында.
Сот қаулысы заңды күшіне енген жоқ.
