Қытайдан тасымалданатын тауарларға салық салынады
Қол жүгінің құны 500 еуродан аспауы керек.
Енді Қытайдан алып келе жатқан тауарыңыздың салмағы 25 келіден асып кетсе, келісіне 4 еуродан төлеу керек болады, деп хабарлайды Almaty-akshamy.kz
Мұндай өзгеріс Еуразиялық одаққа мүше емес мемлекетпен екі арада жүріп-тұратын азаматтарға қатысты қолданылады. 2022 жылдың сәуірінде Еуразиялық экономикалық комиссия кеңесінің шешімімен бұл талап жұмсарып, құны 1000 еуроға жетпейтін тауарды тегін алып өтуге рұқсат берілген еді. Яғни, жеке қолданысқа арналған затты алып өткенде салық салынбайтын.
1 сәуірден бастап бұл меже қайтадан бұрынғы деңгейге түсірілді. Сонымен қатар пошта арқылы жіберілетін заттың құны 200 еуродан қымбат болмауға тиіс. Заттың салмағы 31 келіден жеңіл болуы қажет.
