Келесі жылы кейбір демалыс күндері ауысуы мүмкін
Бұл мәселеге қатысты қаулы ресми қабылданған жағдайда, 10 күн өткен соң қолданысқа енгізіледі.
Қазақстанда келесі жылы кейбір демалыс күндері ауысуы мүмкін, деп хабарлайды Almaty-akshamy.kz Ашық НҚА сайтына сілтеме жасап.
«2015 жылғы 23 қарашадағы Қазақстан Республикасы Еңбек кодексінің 85-бабының 3-тармағына сәйкес және жұмыс уақытын ұтымды пайдалану мақсатында Қазақстан Республикасының Үкіметі ҚАУЛЫ ЕТЕДІ:
Демалыс күндері:
2022 жылғы 5 наурыз сенбіден 2022 жылғы 7 наурыз дүйсенбіге;
2022 жылғы 27 тамыз сенбіден 2022 жылғы 29 тамыз дүйсенбіге ауыстырылсын», - делінген қаулының мәтінінде.
Аталған қаулы 7 қыркүйекке дейін қоғамдық талқылауға түседі.