Қазақстандық боксшы IBF рейтингінде үздік «ондыққа» енді

Чемпиондық белдікке Геннадий Головкин ие орта салмақта үздік «үштік» өзгерген

Халықаралық бокс федерациясы (IBF) барлық салмақ дәрежесіндегі боксшылар рейтингінің жаңартылған нұсқасын жариялады, деп хабарлайды Almaty-akshamy.kz ҚазАқпаратқа  сілтеме жасап.

Sports.kz-тің мәліметінше, рейтингте Қазақстан боксшыларының орындары келесі: Екінші орта салмақта Әли Ахмедов алтыншы орынды сақтап қалды. Бірінші орында кубалық Уильям Скалл тұр, екінші орын бос, үшінші позицияда АҚШ боксшысы Калеб Плант есімі тұр.

Әлем чемпионы – мексикалық Сауль «Канело» Альварес. Чемпиондық белдікке Геннадий Головкин ие орта салмақта үздік «үштік» өзгерген: Эскива Фалькао (Бразилия) бірінші орын иеленсе, Майкл Зерафа (Австралия) екінші орынды сақтап қалған, ал мексикалық боксшы Хайме Мунгия үшінші орынға көтерілді. Тағы бір қазақстандық спортшы Мейірім Нұрсұлтанов 15-ші орыннан 8-іншіге көтерілген. Сұлтан Зауырбек екінші жеңіл салмақ дәрежесінде 13-ші орынды сақтап қалды. Рейтинг кестесінің көшбасшысы – Тәжікстан боксшысы Шавкат Рахимов, одан кейін британдық Зельфа Баррет пен француз Самир Зиани есімдері тұр. Бұл салмақтағы чемпиондық атақ бос тұр.