Қар жауып, аяз болады
Синоптиктер күн суытатынын айтты.
«Қазгидромет» РМК Қазақстан бойынша 2023 жылғы 24-26 қазанға арналған ауа райы болжамын ұсынды, деп хабарлайды Almaty-akshamy.kz.
Алдағы күндері Қазақстанда тұрақсыз ауа райы сақталады.
«Атмосфералық фронттардың бірнеше жүйесі бар терең және белсенді Солтүстік циклон Қазақстан тұрғындарына қыстың жақындап келе жатқанын еске салады. Елімізде қатты жел, көктайғақ құбылыстары, жаңбыр мен қар түріндегі жауын-шашын сақталады. Барикалық алқаптардың тез өзгеруі бүкіл республика бойынша температураның қысқа мерзімді жоғарылауына әкеледі, бірақ кезеңнің соңында Скандинавия түбегінің аймақтарынан суық арктикалық ауа массаларының енуі еліміздің батыс, солтүстік-батыс және солтүстік аймақтарында салқындауға әкеледі», делінген хабарламада.
