Фоторепортаж. Жастарға арналған орталықтардан қандай тегін қызмет алуға болады?
Мегаполистің әр ауданында жастарға арналған комьюнити орталықтар ашылды, онда олар түрлі курсқа тегін қатысып, шығармашылық идеялармен алмасады, білім алып, жұмыс та таба алады.
Комьюнити орталықты дамыту жөніндегі жоба Қазақстандағы алғашқы әрі әзірге жалғыз жоба. Бұл үшін Алматы әкімдігі 2023 жылы ғимараттар сатып алып, жөндеген. Осылайша, қалада NEET делінетін жастардың пайызын қысқарту және жас таланттардың дамуына жағдай жасау жоспарланған.
300 шаршы метрден басталатын қоғамдық кеңістікті 8 комьюнити орталық көп аудиториядан тұрады, ыңғайлы коворкинг аймақтарымен және ыңғайлы әрі уақытты тиімді өткізу үшін қажетті жабдықтармен жабдықталған. Комьюнити орталықтар жылына 800 мыңнан астам жасқа қызмет көрсетеді.
Әр орталықта резиденттерге курс таңдауға немесе мамандық туралы шешім қабылдауға көмектесетін стейкхолдер бар. Мысалы, мобилография, таргетинг немесе SMM курстарын оқу, сонымен қатар, кәсіп ашқысы келетіндер заңгерлік кеңес пен кәсіпкерлерден кеңес ала алады.
Жастарды көптеп тарту үшін түрлі тәсіл – ақпараттық кітапшалар таратуға дейін қолданылады. Алайда негізінен әлеуметтік желілерге басымдық беріледі.
Медеу ауданындағы комьюнити орталықтың стейхолдері Рустам Қайрыевтің айтуынша, орталықтарда жұмыссыз жастар белгілі бір жетістікке жеткен замандастарымен тығыз араласып, қай бағытта қимылдау керектігі жайлы жаңа бағдар ала алады.
«Медиасауаттылық курсын өткіземіз, қазақ тілін дамытамыз. Бізде үйден шықпай-ақ қазақ тілін тегін үйренуге мүмкіндік беретін қызықты «Үйде сөйле» жобасы бар: бұған қазақ тілін білетін көршілер көмектеседі, ал комьюнити орталықта айына бір рет қазақ тілін заманауи әдістермен оқытатын амбассадорлармен кездесулер өткізіледі», - дейді Рустам Қайрыев.
Комьюнити орталықтардың заманауи стильде жасалғанын, ал дизайнда этникалық элемент бар екенін атап өткен жөн.
Жетісу ауданының әкімі Гүлнәр Көкебаеваның пікірінше, комьюнити орталықтар жастар бас қосатын орын ғана емес, бұл Мемлекет басшысы айтқандай олардың жан-жақты дамуы үшін арнайы кеңістік болады.
«Қалада 14 жастан 35 жасқа дейінгі 689 мыңға жуық жас бар. Оның 58 мыңы Жетісу ауданында. 14 жастан бастап көптеген оқушы болашақта қайда оқу керектігін, қай бағытқа басымдық беру керектігін сұрайды. Сондықтан Алматыда ашылып жатқан жастарға арналған орталықтар жастарға шынымен көмектесетініне сенімдімін», - дейді Гүлнәр Көкебаева.
Комьюнити орталықтарында музыкант мұғалімдер домбыра үйрену сабағын өткізеді. Жастарға дыбыс жазу студиясы, психологтың кеңесі, өзін-өзі дамыту бойынша шеберлік дәрістері және т.б. қолжетімді. Бұған қоса, комьюнити орталықтарда жастардың әртүрлі білім беру бағдарламаларын, оқу орындарындағы гранттар, соның ішінде әкімнің гранты туралы білуге мүмкіндігі бар.
«Қалада жастардың бас қосып, жан-жақты дамып, білім алуына арналған орындар жетіспеді. Бұл жастардың әрі-бері сабылып жүрмеуіне ықпал етіп, әр аудан жастары үшін ерекше маңызды орын болады», - деді жастарды, мәдениет пен спортты дамыту жөніндегі жобалық кеңсенің басшысы Кристина Бекмурзаева.
Барлық орталықта көлікке, қоғамдық тамақтануға, спорт және мәдени инфрақұрылымды пайдалануға, оқыту мен шеберлік дәрістеріне жеңілдіктер беретін кешенді дисконттық карталар жұмыс істейді. Орталықтың әрбір резиденті осы артықшылықтарды пайдалана алады. Осылайша, мегаполисте тиімді жастар саясаты үшін кешенді инфрақұрылым құру мәселесі шешіліп келеді.
