Елде тұрмыстық қалдықтардың тек 20 %-ы ғана өңделеді
Қазақстанның экологиялық ұйымдарының қауымдастығы StopMusor әлеуметтік жобасының екінші кезеңін іске асыру қорытындыларына арналған баспасөз конференциясын өткізді.
Жыл сайын Қазақстанда шамамен 5 миллион тонна ҚТҚ жиналады, оның басым бөлігі адамдардың күнделікті негізде пайдаланатын өнімдерінен қалыптасады, деп хабарлайды Almaty-akshamy.kz Elorda.info-ға сілтеме жасап
Экология, геология және табиғи ресурстар министрлігінің мәліметінше, өткен жылы елімізде 7 300 стихиялы қоқыс үйіндісі жиналған, оның 88% -ы жойылған (6 600 қоқыс үйіндісі). 2021 жылы қалдықтарды қайта өңдеу үлесі 20,2% - ды құраса, 2020 жылдың осы кезеңінде үлес 15,8%-ды құрады.
"StopMusor жобасының негізгі идеясы – адамдарға өз қоқыстарын қоқыс жәшіктеріне дейін жеткізуге үйрету және ұсақ қоқыстардың өзі экологияға, сайып келгенде, біздің денсаулығымызға үлкен залал келтіруі мүмкін екенін түсіндіру", - деді Экологиялық ұйымдар қауымдастығының басқарма төрағасы Айгүл Соловьева.
