Елде азық-түлік бағасы бір жылда 24,1%-ға қымбаттаған
Азық-түлік бағасы өсіп барады.
Биылғы қараша айының қорытындысы бойынша республика бойынша азық-түлік тауарлары бір айда 1,8%, бір жылда 24,1%-ға қымбаттаған, деп хабарлайды Almaty-akshamy.kz.
Әсіресе, азық-түліктің өсу динамикасы Ұлытау облысында анық байқалады, өңірдегі жалпы көрсеткіш - 2,4%
Одан кейін елорда мен Жамбыл облысында да баға айтарлықтай өскен. Әр өңірде - 2,2%.
Жылдық динамика бойынша сектордағы бағаның ең көп өсуі Маңғыстау облысында бірден 31,4%-ға дейін тіркелген.
Ақтөбе облысы мен Шымкент екінші және үшінші орында: әр өңірде 25,8%.
Ең аз жылдық өсім Шығыс Қазақстан облысында тіркеліпті: «бар болғаны» 22,6%.
Жемістер мен көкөністердің бағасы да шарықтап тұр. Бір жылда 17,4% қымбаттаған. Оның ішінде жаңа піскен жемістердің құны бір жылда 18,9%, көкөністер 11%-ға өсті.
