AGROSPACE ауыл шаруашылығы өндірушілерінің платформасы құрылады
Өрістердің жай-күйін бақылауға мүмкіндік беріледі.
AGROSPACE ауыл шаруашылығы өндірушілерінің платформасы құрылады. Бұл туралы Үкімет отырысында ҚР Цифрлық даму, инновациялар және аэроғарыш өнеркәсібі министрі Бағдат Мусин айтты, деп хабарлайды Almaty-akshamy.kz ҚазАқпаратқа сілтеме жасап.
«Мемлекет басшысының Жолдауына сәйкес, ауыл шаруашылығы жерлерін мемлекетке қайтару және тиімді қолдануды мониторингілеу үшін Қазақстан ғарыш сапары негізінде JerInSpectr платформасын 1 шілдеден бастап іске қостық. Платформа жерді пайдаланудағы бұзу фактілерін анықтау және іс-шаралар қабылдауға бағытталған. Алдағы уақытта мемлекетке қайтарылған жерлердің ашық әрі әділ бөлінуін қадағалау үшін AGROSPACE ауыл шаруашылығы өндірушілерінің платформасы құрылады», - деді министр.
Оның атап өтуінше, AGROSPACE-те жеке кабинет негізінде жайылымдардың жай-күйін бақылауға мүмкіндік беріледі.
«Сайлауалды Президент бағдарламасына тиімді мониторинг жасау үшін 2023 жылы жобалық басқару жүйесін іске қосамыз», - деді Бағдат Мусин.
