Дауыс беріп, сыйлыққа кітап ал!
Дауыс беруге келген сайлаушылар сыйлыққа кітап алып жатыр.
Алматы қаласы Бостандық ауданындағы 254 сайлау учаскесі Ұлттық кітапханада орналасқан, деп хабарлайды Almaty-akshamy.kz
Ұлттық кітапхананың директоры әрі сайлау комиссиясының төрағасы Бақытжамал Оспанованың айтуынша, таңертеңнен бері сайлауға кеп жатқан азаматтардың көңіл-күйі көтеріңкі. Бостандық ауданының тұрғындарына сайлау учаскесінде кітаптан бөлек түрлі кәдесыйлар мен тәттілер де таратылды. Ата-анасымен еріп келген балақайларға шоколадтар берілді. Сыйдың төресі – кітап. Қазақстанның ертеңі үшін Мәжіліс пен мәслихат депутаттарына дауыс беруге келгендерге Герольд Бельгер, Хасен Әдібаев, Ермек Тұрсынов, Ескермес Ескендіров, басқа да авторлардың кітаптары сыйға тартылды.
Жалпы, Ұлттық кітапханадағы сайлау учаскесі түрлі-түсті шарлармен, әдемі гүлдермен безендірілген. Қазақтың күйлері ойнап тұр. Рухың көтеріліп қалады.
