COVID -19: Әлем жаңалықтары

Латвияда екпенің жалған құжатын сатып алғандар бас бостандығынан айырылуы мүмкін.

Ал, Германияда бір күнде 50 196 адам індет жұқтырған, бұл пандемиялық рекорд болды, деп хабарлайды Almaty-akshamy.kz Covid-19 таралуына жол бермеу жөніндегі ВАК-тың телеграм каналына сілтеме жасап.

Италияда дәрігерлер үшін коронавирустық вакцинаның міндетті үшінші дозасын жасау ұсынылады. Үшінші дозаны алушылар тізімі 1 желтоқсаннан бастап 40-тан 60 жас аралығындағы адамдарға дейін ұзартылады.

Латвияда жалған COVID сертификатын сатып алғаны үшін қылмыстық жауапкершілік белгіленді. Заңда мұндай бұзушылықтар үшін бір жылға дейін бас бостандығынан айыру, уақытша бас бостандығынан айыру, мәжбүрлі жұмыс немесе айыппұл салынады деп қарастырылған.

Германияда COVID -19 инфекциясын жұқтыру оқиғаларының күрт өсуі анықталуда - күніне 50 196 адам, бұл пандемия кезіндегі ең жоғары көрсеткіш. Алдыңғы антирекорд бір күн бұрын тіркелді, бір күндегі көрсеткіш 39 676 дерек болды. Пандемия басталғаннан бері елде 4,8 миллионнан астам індетке шалдыққан.