COVID-19 дертіне қарсы вакцина алған қазақстандықтар саны тоғыз миллионнан асты
Pfizer вакцинасын алушылар қатары да артқан.
Көктемнің алғашқы күнінде КВИ-ға қарсы екпе алғандар қатары артып, тоғыз миллионнан асты, деп хабарлады Almaty-akshamy.kz.
Денсаулық сақтау министрлігінің мәліметі бойынша, 1 наурыз күні Қазақстанда коронавирус инфекциясына қарсы вакцинаның 1-ші компонентін 9 390 070 адам, 2-ші компонентін 9 002 048 адам салдырды.
Екпе алған жасөспірімдер мен жүкті әйелдер және бала емізетін аналар қатары да артқан.
2022 жылғы 1 наурыздағы мәлімет бойынша, Pfizer вакцинасының І компонентін салдырғандар:
Жасөспірімдер – 702 973,
Жүкті әйелдер – 32 312,
Бала емізетін әйелдер – 110 129.
ІІ компонентін салдырғандар:
Жасөспірімдер – 514 479,
Жүкті әйелдер – 23 539,
Бала емізетін әйелдер – 77 887.
